İndoneziya və Filippində zəlzələ oldu

İndoneziyanın şimalında 5,3 bal gücündə zəlzələ qeydə alınıb.

APA-nın RİA Novosti agentliyinə istinadən verdiyi xəbərə görə, yeraltı təkanların episentri Şimali Molukka əyalətinin Xalmaxera adasından 122 km şimal-qərbdə, ocağı isə 10 km dərinlikdə yerləşib. Dağıntılar və xəsarət alanlar barədə məlumat verilmir. Zəlzələ ilə əlaqədar sunami xəbərdarlığı elan edilməyib.

Dekabrın 6-a keçən gecə daha bir zəlzələ Filippinin cənub sahillərində qeydə alınıb. 4,5 bal gücündə baş verən zəlzələnin episentri Qərbi Davao əyalətinin Saranqani şəhərindən 351 km cənub-şərqdə, ocağı isə 118 km dərinlikdə yerləşib. Dağıntılar və xəsarət alanlar barədə məlumat verilmir. Zəlzələ ilə əlaqədar sunami xəbərdarlığı elan edilməyib.