Hindistanın şimal-şərqində, Assam əyalətində Bodo qəbiləsinin üzvü olan silahlıların iki qəsəbədə 51 nəfəri qətlə yetirməsindən sonra bölgədə vəziyyət gərginləşib. Lent.az-ın Türkiyə mediasına istinadən verdiyi xəbərə görə, rəhbərliyin onların mühafizəsinə lazımınca diqqət göstərmədiklərini bildirən çay plantasiyalarında çalışan işçilər polis bölməsini mühasirəyə alıb.
Dükanları yandıran, yolları bağlayan işçilərə polis silahdan atəş açıb. Qarşıdurma nəticəsində beş nəfər insan həyatını itirib.
Qeyd edək ki, artıq bir neçə gündür ki, bölgədə qəbilələr arasında vəziyyət gərginləşib. Son hadisələrdə öldürülən 51 nəfər arasında qadın və uşaqlar da var.