Rusiyanın Belqorod şəhərində həkim tibb bacısına sataşan xəstəni döyərək öldürüb.
APA-nın “LifeNews”-a istinadən verdiyi məlumata görə, hadisə ötən il dekabrın 29-da şəhərdəki 2 saylı xəstəxananın müalicə şöbəsinin qəbul otağında baş verib.
Həkim otağa daxil olaraq müayinədən keçən xəstəni tibb bacısına söz atdığına görə döyməyə başlayıb. Həkimin yumruq zərbəsi xəstənin başına tuş gəlib və o yerə yıxılıb. Bundan sonra həkim xəstənin yanında olan digər şəxsi də döyməyə başlayıb. Yerə yıxılan xəstənin tərpənmədiyini və göyərməyə başladığını görən həkim və tibb bacıları ona yardım etməyə çalışsalar da, onu xilas etmək mümkün olmayıb.
Hadisə anı otaqda müşahidə kamerasına düşüb. Rusiya İstintaq Komitəsi faktla bağlı cinayət işi başladıb. Həkim ölümlə nəticələnən döymə maddəsi ilə ittiham olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
