Fransadakı terror aktı ilə bağlı 9 nəfər saxlanılıb

Parisdə “Charlie Hebdo” həftəlik nəşrinin redaksiyasına hücumun istintaqı çərçivəsində 9 nəfər saxlanılıb. APA-nın “RİA Novosti”-yə istinadən verdiyi xəbərə görə, bu barədə Fransanın daxili işlər naziri Bernar Kaznev bildirib.

“Hazırda 9 nəfər saxlanılıb”, deyə o Parisdə keçirilmiş mətbuat konfransında bildirib.

Bundan əvvəl 7 nəfərin saxlanıldığı bildirilirdi.

Qeyd edək ki, yanvarın 8-də silahlılar “Charlie Hebdo” nəşrinin redaksiyasına hücum edərək ofisdə olanlara atəş açıblar. Nəticədə 12 nəfər ölüb, 11 nəfər yaralanıb. Cinayəti törətməkdə 3 nəfər şübhəli bilinir – 34 yaşlı Şərif və 32 yaşlı Səid Kuaşi qardaşları, həmçinin 18 yaşlı Həmid Murad. Sonuncu sonradan polisə təslim olaraq alibiyə malik olduğunu bildirib.