Əfqanıstanda anti-terror əməliyyatı: 19 terrorçu öldürülüb

Əfqanıstanın şimalı əyalətlərində, Qunduz və Bağlanda talibana qarşı anti-terror əməliyyatı həyata keçirilib.

Lent.az-ın “Anadolu” agentliyinə istinadən məlumatına görə, əməliyyatlar nəticəsində 19 taliban yaraqlısı öldürülüb.

Qunduzun Təhlükəsizlik İdarəsinin sözçüsü Səid Sərvər Hüseyni bildirib ki, əyalətin Dəşti-Arçi qəsəbəsində keçirilən hərbi əməliyyat nəticəsində 9 terrorçu öldürülüb, 14-ü yaralanıb.

Bağlanın Təhlükəsizlik İdarəsinin təmsilçisi Əhməd Cavad Bəşarət iki gün öncə başlayan hərbi əməliyyatlar davam etdiyini, 10 taliban yaraqlısının öldürüldüyünü, 10-unun isə yaralandığını bildirib.

Onun sözlərinə görə, anti-terror əməliyyatları nəticəsində 12 kənd taliban yaraqlılarından “təmizlənib”.