İyunun 9-da Rusiyanın dövlət başçısı Vladimir Putin prezident yanında Rus Dili Şurasının yaradılması haqda fərman imzalayıb.
Lent.az-ın “İTAR-TASS”-a istinadən məlumatına görə, yeni quruma Putinin mədəniyyət üzrə müşaviri, “Yasnaya polyana” ev-muzeyinin direktoru Vladimir Tolstoy təyin olunub.
Şuranın 40-dan çox üzvü var. Qurumun məqsədi rus dilinin “dövlət dili kimi inkişaf etdirilməsi, müdafiəsi və ona dəstək verilməsi, həmçinin dövlət orqanlarının bu sahədə fəaliyyətinin səmərəliliyini artırmaqdır”.
Rus Dili Şurasının rəhbəri Vladimir Tolstoy 1962-ci ildə Moskvada doğulub. Yazıçı Lev Tolstoyun kötücəsidir. Rusiya Jurnalistlər İttifaqının üzvüdür.
Rusiya təhsil nazirinin müavini Veniamin Kaqanov bildirib ki, dünyada rusdillilərin sayı azalır: “Son 20 ildə dünyada rusca danışanların sayı təxminən 120 milyon azalıb. Hazırda dünyada 260 milyon rusdilli var. Onların 140 milyon Rusiya ərazisindədir ”.
Mənbə xatırladıb ki, 2013-cü ilin noyabrında Rusiya hökuməti yanında Rus dili şurası yaradılıb.