Böyük Britaniyadan İranın 11 rəsmisinə “əfv”

Böyük Britaniya İrana qarşı bəzi sanksiyaları aradan qaldırıb. APA-nın İranın “Fars” xəbər agentliyinə istinadən verdiyi məlumata görə, Böyük Britaniya Maliyyə Nazirliyi İran dənizçilik şirkətlərinin 11 rəsmisinin adını “qara siyahı”dan çıxarıb.

Qeyd edək ki, Böyük Britaniya hökuməti bu addımı Avropa Məhkəməsinin İranın dənizçilik şirkətlərinin 11 rəsmisinə qarşı sanksiyaları ləğv etdikdən sonra atıb. Rəsmi London 2011-ci ilin dekabrında İran dənizçilik şirkətlərinin rəsmilərinə sanksiya tətbiq edib.