Bleyrin 29 yaşlı oğlu siyasətə qoşulur

Britaniyanın keçmiş baş naziri Toni Bleeyrin oğlu Evan parlament seçkində namizədliyini irəli sürmək niyyətindədir.

Lent.az-nı “İTAR-TASS”-a istinadən məlumatına görə,Evan Bleyr 2015-ci ilin mayında keçiriləcək parlament seçkilərində Leyboristlər Partiyasından namizəd göstərilməyə çalışır.

Mənbə bildirib ki, 29 yaşlı Evanın siyasətə gəlməsi solçu leyboristlər tərəfindən etirazla qarşılanıb.

“Liverpulun əks-sədası” adlı qəzet baş nazirin oğlunun iddiasını belə dəyərləndirib: “Bu zarafat deyilsə, onda fəlakətdir”.

Londonda çıxan “Daily Mail” qəzeti isə Evanın istəyi haqda bunu yazıb: “Görünür, Evan Bleyr “Morgan Stanley” bankından istefa verib və öz siyasi karyerasını qurmaqla məşğuldur”.

Evan Bleyr Vaşinqtonda Respublikaçılar Partiyasının strukturlarında işləyib və orada təcrübə keçib.