Bəşər Əsəd qüvvələri İŞİD-i vurdu
22 iyun 2014 16:54 (UTC +04:00)

Bəşər Əsəd qüvvələri İŞİD-i vurdu

APA TV-nin məlumatına görə, Suriya ordusu 5 hava hücumu həyata keçirib. Əsas hədəf Əbu-Kamal şəhəri və İŞİD-ə bağlılığını elan edən Muhasan qəsəbəsi olub. İŞİD-in İraqın Mosul şəhərini ələ keçirdikdən sonra Suriyanın şərqində təsiri artıb. Əsəd rejiminə məxsus qüvvələr tanklar və təyyarələrlə Lazkiyənin Bayırbucaq türkmən bölgəsinə də hücum təşkil ediblər. Səhər saatlarından başlanan hücumlarda Qulcuq və Murtlu kəndləri hədəfə alınıb. Ara verilməklə bir neçə dəfə təşkil olunan şiddətli hücumlar Yayladağı rayonunda da hiss edilib. Bu arada İŞİD-in Suriya və İordaniya sərhədi yaxınlarında bir neçə İraq kəndini ələ keçirib. Təşkilat Anbar vilayətinə bağlı Əl-Qaim, Ravah, Anah və Rutbaya kəndlərini tutub. Əl-Qaim İraqın Suriya sərhədində əsas qapılardan biridir. Anbar vilayəti isə Bağdaddan Suriya və İordaniyaya gedən yolun kəsişməsində yerləşir. İŞİD-in bu yollarla İraq və Suriya arasında silah daşıması həyata keçirəcəyi bildirilir. İraqın əsas neft istehsalı mərkəzi Beyci haqqında müxtəlif xəbərlər var. İraq ordusu buranı geri qaytardığını bildirsə də, İŞİD Beycinin onlarda olduğunu deyir.

1 2 3 4 5 İDMAN XƏBƏRLƏRİ
# 4925
avatar

Oxşar yazılar