Azərbaycan əsilli aktyor ağır qəzaya düşdü, helikopterlə İstanbula aparıldı

Türkiyənin tanınmış aktyorlarından olan Taner Karadağlı ağır yol qəzasına düşüb. Lent.az-ın Hürriyət-ə istinadən məlumatına görə, Azərbaycan əsilli aktyor Bursanın İzinlik qəsəbəsində motosiklet sürərkən qəzaya düşüb. O, dərhal xüsusi ambulans helikopterlə İstanbuldakı özəl klinikaların birinə gətirilib və əməliyyat olunub.

Aktyorun sənət dostu və "Çocuklaq duymasın" serialdakı tərəf müqabili Pınar Altuğ təcili olaraq klinikiya gedib və dostuna baş çəkib. O, jurnalistlərə açıqlamasında Tanerin həyətına təhlükə olmadığını, yaddaşının itmədiyini və tezliklə yaxşılaşacağını deyib.