ABŞ İspaniyadakı bazasında hərbçilərinin sayını artırır

İspaniya hakimiyyəti ABŞ-a Moron-de-la Fronterdəki Hərbi Hava Qüvvələrinin sayını 500-dən 1100 –dək artırmasına icazə verib.

Lent.az-ın «İTAR-TASS»-a istinadən məlumatına görə, icazənin müddəti bir ildir.

Hazırda ABŞ-da səfərdə olan İspaniyanın müdafiə naziri Pedro Morenes deyib ki, amerikalılar lazım olarsa, adı çəkilən bazada hərbçilərinin sayının 1100-dək artırılması ilə bağlı müraciət edib.

Bundan başqa ABŞ –a hərbi-nəqliyyat təyyarələrinin sayını 6-dan 12-yə, yanacaqdolduran təyyarələrinin sayını isə 2-dən 6-dək artırmağa icazə verilib.

Pedro Morenes xatırladıb ki, ABŞ Moron-de-la- Fronterdəki bazadan 1988-ci ildən istifadə edir. Nazir əlavə edib ki, ABŞ hərbçilərinin həmin bölgədə mövcudluğu Afrikanın şimalındakı istiqrarsız vəziyyətlə bağlıdır.

O, qeyd edib ki, ABŞ-ın istəyi müvəqqəti olduğundan iki dövlət arasında hərbi əməkdaşlığa dair müqaviləyə dəyişiklik etməyə ehtiyac yoxdur.