ABŞ-da həbsxanadan qaçan məhbus 56 ildən sonra yaxalandı

ABŞ-da 1959-cu ildə həbsxanadan qaçan şəxs saxlanılıb. APA-nın “Assoşieyted Press”ə istinadən verdiyi xəbərə görə, Ohayo ştatının sakini Frenk Freşuoters idarə etdiyi avtomobillə piyadanı vurub öldürdüyünə görə 1957-ci ildə həbs cəzasına məhkum edilib. 1959-cu ildə həbsxanadan qaçmağa müvəffəq olan Frenk Freşuoters o vaxtdan axtarışda olub. Məlumata görə, o 1975-ci ildə Qərbi Virciniya ştatında həbs olunub, lakin qubernator naməlum səbəbdən onu ekstradisiya etməkdən imtina edib.

Onun başqa ştatın ərazisində saxlanıldığı bildirilir. Hazırda Frenk Freşuoters barəsində həbs-qətimkan tədbiri seçilib. Onun yaxın zamanda Ohayo ştatına ekstradisiya olunacağı gözlənilir.