Beş nəfərlik "Skai" adlı uçan taksi ən çoxu 450 kq ağırlığında yükü qaldıra bilər.
Lent.az ictnews-a istinadla xəbər verir ki, hidrogen yanacaqla işləyən uçan taksinin tam yüklənməsi 4 saatlıq uçuş üçün kifayətdir.
Yanacaq doldurulması təxminən 10 dəqiqə çəkən aparatın maksimum mümkün sürəti isə açıqlanmayıb.
Uçan taksinin dizaynı "BMW" şirkətinin mütəxəssisləri tərəfindən hazırlanıb. Kabinə elə layihələşdirilib ki, içəridən sərnişinlər üçün panorama görünüşü əlçatan olsun. Həmçinin müxtəlif qəzalardan qorunmaq üçün bir neçə təhlükəsizlik sistemi nəzərdə tutulub, hətta aparatın yüngül enişi üçün böyük paraşüt mövcuddur.
"Skai" layihəsinin direktoru Stiv Hanvi bildirib ki, belə uçan taksilərin şəhərlərdə insanları daşımasına onilliklər lazımdır. Başlanğıc mərhələdə sözügedən taksilər yüklərin daşınması üçün və ya təcili yardım kimi istifadə edilə bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
