ABŞ-da meşə yanğınları - 212 min insan təxliyə edildi

ABŞ-ın Kaliforniya ştatında tüğyan edən meşə yanğınları üzündən 200 mindən çox insan təxliyə edilib.

APA-nın RİA Novosti agentliyinə istinadən verdiyi xəbərə görə, bu barədə Fövqəladə Vəziyyətlər üzrə Federal Agentliyin (FEMA) regional nümayəndəsi Devid Pessi bildirib.

Onun sözlərinə görə, alov 57 min hektar meşə sahəsini məhv edib, 212 min nəfər təxliyə edilib.

Meşə yanğınlarının söndürülməsinə 9 minə yaxın yanğınsöndürən cəlb edilib.

Kaliforniya ştatında meşə yanğınları dekabrın 4-dən davam edir. Küləkli və quru hava yanğının əhatə dairəsinin genişlənməsinə səbəb olub. Sinoptiklərin proqnozlarına əsasən, dekabrın 10-dək Kaliforniyada hava şəraitinin kəskin dəyişməsi gözlənilmir.

Qeyd edək ki, ABŞ prezidenti Donald Tramp meşə yanğınları ilə əlaqədar Kaliforniya ştatında fövqəladə vəziyyət rejimi elan edib.