Lent.az-ın AzərTAca istinadən verdiyi xəbərə görə, Serbiyanın Belqrad şəhərində, “Beko” tekstil fabrikinin yerində nəhəng və müasir çoxfunksiyalı kompleks tikiləcək.
Layihə müəllifləri olan “Zaha Hadid Architects” şirkətinin mütəxəssisləri şəhər kənarından aralıda yerləşən bu ərazidə böyük dəyişikliklər etmək, onu mədəniyyət mərkəzinə çevirmək niyyətindədirlər.
Yeni kompleksdə yaşayış massivi, ticarət və ofis zonaları, möhtəşəm konfrans zalı, 5 ulduzlu otel, həmçinin şəhər əhalisi və qonaqlar üçün müxtəlif əyləncəli obyektlər nəzərdə tutulur.
Layihədə şəxsi və ictimai, daxili və xarici məqamlar tədricən bir xətt boyu birləşərək bütöv və harmonik kompozisiya təşkil edir. Belqrad qalası ilə qonşuluqda, iki çayın qovuşmasında yerləşəcək kompleks olduqca əsrarəngiz görünəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
