Kanadada “Google”u məhkəməyə verdilər

Kanadada onlayn reklam bazarındakı sui-istifadələrə görə “Google”u məhkəməyə veriblər.

Lent.az xəbər verir ki, Kanadanın antiinhisar tənzimləyiciləri ABŞ-ın “Google” şirkətini internet reklamı sahəsində dominant mövqeyindən sui-istifadə etməkdə ittiham edərək məhkəməyə verib.

Bu barədə noyabrın 28-də Kanada Antiinhisar Bürosu məlumat yayıb.

“Büronun təhqiqatı müəyyən edib ki, Kanadada “Google” veb-reklam üçün bütün reklam texnologiyaları paketinin ən böyük provayderi kimi bazar gücünü qorumaq və gücləndirmək üçün nəzərdə tutulmuş davranışlar vasitəsilə dominant mövqeyindən sui-istifadə edir”, - büronun mətbuat xidməti məlumat yayıb.

İddia olunur ki, “Google” öz davranışı ilə bazar iştirakçılarının öz reklam texnologiyası alətlərindən istifadəsini məhdudlaşdırır və bununla da rəqabət prosesini təhrif edir.

İddiadakı bəyanatında tənzimləyici “Google”dan rəqabət qanununu tətbiq etmək və rəqabətə zidd hərəkətləri dayandırmaq üçün cərimə ödəməsini tələb edir.