İtaliyada növbədənkənar parlament seçkiləri keçirilir.
Lent.az-ın xəbərinə görə, seçkilər parlamentin hər iki palatasına - Deputatlar Palatası və Senata keçirilir.
Seçki məntəqələri yerli vaxtla saat 07:00-da açılıb, saat 23:00-da bağlanacaq.
Seçkilərdə “İtaliya Qardaşları” (Fdl), “Liqa” və “İrəli İtaliya”nın daxil olduğu sağ mərkəzçi koalisiyanın şansı yüksək qiymətləndirilir. Koalisiya daxili razılaşmaya əsasən, ən çox səs toplayan partiya baş nazirin namizədliyini irəli sürəcək.
İtaliya Qardaşları Partiyasının koalisiyaya daxil olan partiyalar arasında ən çox səs toplayacağı proqnozlaşdırılır. Bu halda isə partiyanın lideri, 45 yaşlı Giorgia Meloni İtaliyanın ilk qadın Baş naziri olacaq.
Giorgia Meloni ənənəvi xristian ailə modelinin qatı tərəfdarı və islama qarşı baxışları, Afrikadan miqrasiyaya qarşı radikal tədbirlərin həyata keçirilməsi, Liviyaya qarşı dəniz blokadası təklif etməsi ilə diqqət çəkir. Eyni zamanda Türkiyənin Avropa İttifaqına üzvlüyünə qarşıdır.
Mussoliniyə rəğbətini heş vaxt gizlətməyən Giorgia Meloninin Baş nazir olması ehtimalı Avropa İttifaqında da narahat edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
