Bruneydə hərbi vertolyot qəzası: 10 ölü
21 iyul 2012 14:13 (UTC +04:00)

Bruneydə hərbi vertolyot qəzası: 10 ölü

Bruney sultanlığında hərbi vertolyotun qəzaya uğraması nəticəsində azı 10 nəfər həlak olub. Lent.az-ın Türkiyənin “Sabah” qəzetinə istinadən verdiyi məlumata görə, ölkənin Müdafiə Nazirliyindən verilən açıqlamada qeyd olunur ki, Ulu-Belait kənd rayonundan Bruneyin paytaxtı Bəndər-Seri-Beqavana uçan Bell-212 vertolyotu naməlum səbəblər üzündən qəzaya uğrayıb.

Vertolyotda olanların çoxu səhra təlimlərindən sonra evlərinə qayıdan kursantlar olub. Sərnişinlərdən 10 nəfəri hadisə yerində həlak olub, ikisi yaralanıb, daha iki nəfərin taleyi isə məlum deyil.
Bruney sultanı Hassanal Bolkiax yaralanmış kursantlardan ikisinə xəstəxanada baş çəkib.

Qeyd edək ki, yerli KİV-lər Bruneydə müsəlmanlar müqəddəs Ramazan ayının başlanmasına cəmi bir gün qalmış baş verən bu hadisəni “milli faciə” adlandırıb.
# 531

Oxşar yazılar