Putin ingilis dilində mahnı oxuyur

Lent.az-ın verdiyi məlumata görə, o, CNN-nin məşhur aparıcısı Larri Konqa müsahibəsində bunu dilə gətirib. Bu gün efirə çıxan müsahibəsində Vladimir Putin deyib ki, ingilis dilini yaxşı bilməsə də, çox söz öyrənib, tərcüməçi olmadan həmkarları ilə məişət və işgüzar şəraitdə danışmağı bacarır: “Ancaq bu müsahibə zamanı heç bir səhv buraxmamaq üçün tərcüməçi vasitəsi ilə danışıram”.

Rusiyanın baş naziri ingilis dilini öyrənməyin onun üçün istirahətin bir forması olduğunu bildirib: “Mən öz müəlliməmlə ingilis dilində müxtəlif mahnılar öyrənir və həmin mahnıları oxuyuruq”.

Vladimir Putin növbəti dəfə jurnalistlə Moskvada görüşərsə, onunla ingilis dilində danışmağa cəhd göstərəcəyinə söz verib.

Qeyd edək ki, Vladimir Putin alman dilində sərbəst danışır. Baş nazirin xanımı Lyudmila Putina isə alman, ispan və fransız dillərini bilir.