Fatih Terimin millidəki köməkçisi bəlli oldu

Xəbər verdiyimiz kimi “Qalatasaray”ın baş məşqçisi Fatih Terim Türkiyə millisini də çalışdıracaq. Apasport.az xəbər verir ki, artıq Terimin köməkçisi də müəyyənləşib.

Bu gün mətbuata açıqlama verən Təcrübəli mütəxəssis yığmada “Akhisar BS”nin baş məşqçisi Hamza Hamzaoğlu ilə birgə çalışacağının deyib: “Milli komandada köməkçim “Akhisar BS”nin baş məşqçisi Hamza Hamzaoğlu olacaq. Onunla bu barədə birinci mən danışdım. Sonra klub prezidenti ilə görüşdük. O da mənim kimi həm hazırkı komandasını, həm də yığmanı çalışdıracaq”.

Qeyd edək ki, Abdullah Avcı Türkiyə millisindən ayrıldıqdan sonra bu vəzifə üçün Fatih Terimlə bir illik müqavilə imzalanıb.