Bakıda stilisti qətlə yetirən şəxsə AĞIR CƏZA

Bakı Ağır Cinayətlər Məhkəməsində paytaxtda stilisti qətlə yetiməkdə təqsirləndirilən Pərviz Həsənovun cinayət işi üzrə məhkəmə istintaqı başa çatıb.

Lent.az xəbər verir ki, hakim İlham Mahmudovun sədrliyi ilə keçirilən prosesdə prokuror çıxış edib.

Dövlət ittihamçısı təqsirləndirilən şəxsin 18 il 6 ay azadlıqdan məhrum edilməsinin istəyib.

Daha sonra məhkəmə hökmü elan olunub. Məhkəmənin hökmü ilə P. Həsənov 17 il azadlıqdan məhrum edilib.

İttihama görə, hadisə bu ilin martında paytaxtın Xətai rayonunda qeydə alınıb.

1988-ci il təvəllüdlü Orxan Seyidov şəxsi münasibətlər zəminində aralarında yaranmış münaqişə zamanı 1999-cu il təvəllüdlü Pərviz Həsənov tərəfindən çoxsaylı bıçaq xəsarətləri ilə qətlə yetirilib.

İstintaq orqanı tərəfindən Pərviz Həsənovun barəsində Cinayət Məcələssinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Orxan Seyidov stilist kimi fəaliyyət göstərib.