Futbol üzrə Topaz Premyer Liqasında çıxış edən Bakının “Rəvan” klubuna texniki məğlubiyyət verilib. Lent.az-ın məlumatına görə, bu haqda AFFA İntizam Komitəsi qərar qəbul edib.
Səbəb XVIII turda “Simurq”la oyun zamanı paytaxt komandasının legioner limitini pozması olub. Matçın 68-ci dəqiqəsində “Rəvan”ın futbolçusu Tural Cəlilovun əvəzinə Nemaniya Vidakoviç meydana daxil olub. Bununla da klub 8 legionerlə mübarizə aparıb. Halbuki bütün komandalara maksimum 7 əcnəbinin xidmətindən yararlanmağa icazə verilib.
İntizam Komitəsi qarşılaşmanın nəticəsini ləğv edib və “Rəvan”a 0:3 hesablı texniki məğlubiyyət verilib. Nəticədə “Simurq”un aktivinə 1 yox, 3 top yazılıb və bu komanda liderliyə yüksəlib.