Bu gün Fövqəladə Hallar Nazirliyinin 112 Xidmətindən Sumqayıt şəhəri, Hacı Zeynalabdin qəsəbəsi, Kompressor zavodu ətrafındakı yaşayış evlərinin yaxınlığında partlayıcı əşya olması barədə məlumat daxil olub. Lent.az-ın məlumatına görə, Xüsusi Riskli Xilasetmə Xidmətinin kinoloqları və pirotexniki işlər üzrə mütəxəssisləri hadisə yerinə cəlb edilib. Hadisə yerinə baxış keçirilərkən məlum olub ki, adıçəkilən qəsəbədəki yeni tikilən yaşayış evlərinə su çəkilişində qazıntı işləri zamanı fəhlələr tərəfindən bir ədəd 100 millimetr top mərmisi aşkar edilib. Xidmətin mütəxəssisləri hadisə yerinə gəlmiş hüquq mühafizə orqanlarının əməkdaşları ilə birgə ərazidəki insanların təhlükəsiz məsafəyə uzaqlaşdırılmasını təmin edib və adıçəkilən əraziyə kənar şəxslərin girişini məhdudlaşdıraraq axtarış əməliyyatına başlayıblar. Xidmətin mütəxəssisləri tərəfindən aşkar olunmuş top mərmisinə baxış zamanı məlum olub ki, korroziya uğrayıb və döyüş tətbiqinə yararsızdır.
Aşkar edilmiş mərmi aidiyyəti üzrə hüquq mühafizə orqanlarının əməkdaşlarına təhvil verilib. Adıçəkilən ərazidə mütəxəssislər tərəfindən təkrar baxış keçirildikdən sonra digər partlayış təhlükəli əşya aşkar olunmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
