"Meydan TV"nin əməkdaşları MƏHKƏMƏDƏ: hamısı həbs edildi - YENİLƏNİB

"Meydan TV"nin əməkdaşı Xəyalə Ağayeva barəsində həbs qətimkan tədbiri seçilib.

Lent.az xəbər verir ki, Xətai rayon məhkəməsinin qərarı ilə Xəyalə Ağayeva barəsində 4 ay müddətinə həbs qətimkan tədbiri seçilib.

***

14:40

"Meydan TV"nin işi ilə bağlı Ramin Cəbrayılzadə (Deko) və Ülvi Tahirov barəsində həbs qətimkan tədbiri seçilib.

Lent.az xəbər verir ki, Xətai rayon məhkəməsinin qərarı ilə Ramin Cəbrayılzadə (Deko) və Ülvi Tahirov barəsində 4 ay müddətinə həbs qətimkan tədbiri seçilib.

***

Saat 14:05

"Meydan TV"nin əməkdaşları Natiq Cavadlı və Aynur Qəmbərova (Elgünəş) barəsində həbs qətimkan tədbiri seçilib.

Lent.az xəbər verir ki, Xətai rayon məhkəməsinin qərarı ilə Natiq Cavadlı və Aynur Elgünəş barəsində 4 ay müddətinə həbs qətimkan tədbiri seçilib.

***

Saat 13:39

Xətai rayon məhkəməsində "Meydan TV"nin əməkdaşları barələrində həbs qətimkan tədbirinin seçilməsi ilə bağlı istintaq orqanının verdiyi təqdimata baxılır.

Lent.az xəbər verir ki, artıq Aysel Umudova və Aytac Əhmədova barəsində 4 aylıq həbs qətimkan tədbiri seçilib.

Hazırda digərləri barəsində təqdimatlara baxılır.

Qeyd edək ki, "Meydan TV" əməkdaşları – Ramin Cəbrayılzadə (Ramin Deko), Aynur Qəmbərova (Elgünəş), Aytac Əhmədova (Tapdıq), Aysel Umudova, Xəyalə Ağayeva, Natiq Cavadlı və Ülvi Tahirov qaçaqmalçılıqda şübhəli bilinərək saxlanılıblar.

Onlara Cinayət Məcəlləsinin 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham irəli sürulub.