Şəhərləri yayın istisindən xilas etməyin ən təsirli yolu tapıldı

Alimlər xəbərdarlıq edirlər ki, bu il daha da güclü istilik dalğaları ilə üzləşəcəyik və bu, həm qapalı, həm də açıq havada effektiv soyutma üsullarının tapılmasını əsas prioritet halına gətirir.

Lent.az xarici mətbuata istinadən xəbər verir ki, Qlobal Təmiz Hava Tədqiqatları Mərkəzində (GCCAR) bir qrup tərəfindən aparılan son araşdırma, küçələri sərinləmək üçün yaşıl sahədən istifadəyə diqqət yetirib.

Aparıcı tədqiqatçı professor Prashant Kumarın sözlərinə görə, məlumdur ki, yaşıllıqlar və su səthləri şəhərlərdə temperaturu azalda bilər. Bununla belə, tədqiqatçılar aşkar ediblər ki, yaşıl divarlar, küçə ağacları və oyun meydançaları da ətraf mühitə eyni soyuducu təsir göstərə bilər.

Onlar aşkar ediblər ki, parkların sayının artırılması şəhərdə temperaturun daha çox azalmasına səbəb olur, lakin bu təsirin öz həddi var. Bundan əlavə, alimlər qeyd edirlər ki, yaşıl ərazilərin dəhlizlərdə birləşdirilməsi həm də soyutma effektini gücləndirə bilər.