Birmada dinlərarası qarşıdurmada qadınlar həlak olub

Birma hakimiyyətinin açıqlamasına əsasən, dinlərarası qarşıdurma nəticəsində 50 nəfər həlak olub.

Lent.az-ın «BBC»-yə istinadən məlumatına görə, olay ölkənin Raxin ştatında müsəlman ruhin adlı xalqla buddistlər arasında baş verib.

Öldürülənlərin çoxu qadındır. Bundan başqa ştatda iki min ev də yandırılıb.

BMT-nini məlumatına əsasən, yerli əhali kütləvi şəkildə qaçqınlar düşərgəsinə doğru hərəkət edirlər. Bu sığınacaqlar isə cari ilin iyununda baş vermiş qarşıdurma zamanı salınmış düşərgələrdir. Orada onsuzda sıxlığın və humanitar fəlakətin olduğu haqqında məlumatlar yayılıb.

Birma hakimiyyəti bu olayların baş verməsinə göz yumur. Rejim hesab edir ki, ruhinlər Banqladeşdən gəlmə mühacirlərdir və onların Birmada yaşamaq haqqı yoxdur.

Onu da qeyd edək ki, ruhinlərin yaşadığı, yerləşdiyi ərazilər neftlə zəngindir.