Tətil zamanı uşağınızla nə etməlisiniz?: Valideynlər üçün fikir

Övladınız tətildə olduğu zaman onu nənə və babasının yanına göndərmək həmişə mümkün olmur. Belə hallarda uşağınızın evdə sıxılmaması üçün ehtiyat planınız olmalıdır. Amma müasir tendensiyaları da nəzərə almalıyıq.

Lent.az xarici KİV-ə istinadən xəbər verir ki, məsələn, uşağınızdan günlərinin necə keçdiyi barədə vlog çəkməsini xahiş edə bilərsiniz.

Bu vəziyyətdə onun qarşısına məqsəd qoymaq lazımdır. Hər gün üçün başqa kiçik yaradıcı tapşırıqlar verə bilərsiniz. Burada uşağın maraqlarına və onun imkanlarına əsaslanmaq vacibdir. Başqa bir yaxşı fikir piknikidir. Ailənizlə birlikdə bağda bir həftə sonu təşkil edə və ya qonaqları mənzilinizə dəvət edə bilərsiniz. Bununla yanaşı, uşağın dostlarını cəlb edə bilərsiniz.

Filmlərə və cizgi filmlərinə baxmaq da gündəlik həyatınızı rəngləndirəcək. Hər axşam uşaqlarınızla birgə yaxşı gün keçirmək üçün bir neçə cizgi filmi seçməlisiniz.

Hər axşam belə bir fəaliyyətə həsr etmək istəmirsinizsə, o zaman hər çərşənbə axşamı və ya hər hansı digər münasib gündə bir araya gələrək film izləməyi ənənəyə çevirə bilərsiniz.