Onurğa sütununun frontal səthdə davamlı olaraq əyilməsi məktəblilər arasında geniş yayılıb. Skolioz adlanan bu xəstəlik adətən, erkən uşaq yaşlarından başlayaraq, yaş artdıqca irəliləyir.
Lent.az-a açıqlama verən həkim-fizioterapevt Ramin Quliyev bildirir ki, skolioz uşaqların yetkinlik çağında bilinir:
Həkim-fizioterapevt Ramin Quliyev
“Bu qızlarda daha çox yayılıb. Ailələr uşaqların bədənində olan fərqləri nəzərə almalıdı. Skoliozun əlamətləri döş, bel, çanaq və çiyin əyriliyidir. Bu əyriliklər sağ, sol və öndən görünür. Eyni zamanda, çanaq və çiyin səviyyəsində bərabərsizlik göz önündə olur”.
Çox vaxt valideynlər skoliozun ilkin əlamətlərindən xəbərsizdilər. Həkim qeyd edir ki, uşaqlarda bu cür dəyişikliyi hiss edən valideynlər diqqətli olsunlar: Kürək sümüyü və qabırğa qəfəsindəki asimmetriya, yorğunluq, döş və bel ağrısı, nəfəs darlığı, tənəffüs çətinliyi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
