Böyük uşaqların özünə güvənməsi, kiçiklərin isə özgüvənsiz və böyükdən asılı olması ideyası uzun illərdi ki, məşhur nəzəriyyələrdə və stereotiplərdə dəstəklənir.
Lent.az xarici KİV-ə istinadən xəbər verir ki, yeni bir araşdırma, doğum sırasının şəxsiyyətin inkişafına təsir etmədiyini göstərib.
Bu nəticə ilk doğulanların məsuliyyətli və nizam-intizamlı olduqları, kiçik uşaqların diqqət axtaran və özlərinə daha az güvənən olmaları ilə bağlı ənənəvi fikri sarsıdır. Üstəlik, hətta siyasi baxışlar əvvəllər doğum sırası ilə əlaqələndirilirdi. Ehtimal olunurdu ki, böyük uşaqlar daha çox ailə dəyərlərini dəstəkləyir, kiçik uşaqlar isə dəyişiklik üçün çalışırlar. Lakin son tədqiqatların nəticələri bu fərziyyələrə qarşı çıxır.
Balear Adaları Universitetindən Dr Tomás Lejarraqa ətraflı təhlil apararaq, kiçik uşaqların cəmiyyətdə özlərini təsdiqləməyə çalışdıqları zaman daha çox risk aldıqları fərziyyəsinə diqqət yetirib. Bu araşdırma üçün o, təhlükəsiz və riskli seçim etmələri istənən bir qrup iştirakçı toplayıb. Eyni zamanda onların doğum sırası da qeydə alınıb.
Məlum olub ki, əksər göstəricilər doğum sırasından asılılıq göstərmir. Normadan eyni bir neçə fərq göstərib ki, həm yaşlı, həm də kiçik uşaqlar eyni dərəcədə riskə meyllidirlər. Beləliklə, doğum sırasının risk almağa təsiri haqqında mif təkzib edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
