12:49 13 aprel 2021

İkibaşlı, üç əlli uşaq doğuldu

Hindistanın Odişa ştatının Kani kəndinin sakini özəl doğum evində ikibaşlı və 3 əli olan uşaq dünyaya gətirib.

Lent.az-ın xarici mediaya istinadla verdiyi xəbərə görə, körpə qız Umakanta Parida və onun həyat yoldaşı Ambikanın ailəsində doğulub.

Uşağın doğulması üçün xəstəxananın həkimləri qeysəriyyə əməliyyatı keçirməli olublar. Pediatr həkim Debaşis Sahu deyib ki, yeni doğulan iki ağızla yeyir və iki burunla nəfəs alır.

“Əslində bunlar üç qolu və iki ayağı ilə bir bədənə birləşən iki bacıdır", - həkim vurğulayıb. 

Uşaq hazırda özünü yaxşı hiss edir. Xüsusi müalicə üçün Kattak şəhərindəki pediatriya institutuna yerləşdirilib. Atası qızının müalicəsi üçün dövlətdən yardım istəyib.  
 

# 1143
avatar

Oxşar yazılar