"Xiaomi" yaxın müddət ərzində "Xiaomi 14 Ultra" smartfonunu təqdim etməyə hazırlaşır.
Lent.az xarici mediaya istinadən xəbər verir ki, onun təqdimatının mart ayının sonuna kimi baş tutacağı gözlənilir.
Ancaq artıq "Xiaomi 14 Ultra"nın real görüntüləri ortaya çıxıb. Ortaya çıxmış real fotolarda smartfon xüsusi keysin daxilində əks olunub. Bu cür keys smartfon barəsində sızıntıların olmaması üçün nəzərdə tutulur. Real fotolardan görmək olar ki, Xiaomi 14 Ultra aktiv test mərhələsindədir. Bununla yanaşı fotolardan biri vasitəsilə arxa kamera elementlərini görmək olar. Xüsusi keysin arxa panelindəki girişlərdən belə qənaətə gəlmək olar ki, Xiaomi 14 Ultra 4 ədəd arxa kameraya, LED işıqlandırmaya, mikrofona, lazer avtofokusuna və müəyyən sensorlara sahib olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
