Teleqramda çatışmayan yeni FAYDALI FUNKSİYA

“Telegram” messencer komandası qeydləri əvəz edəcək "Sevimlilər" bölməsini yenidən dizayn edib.

Lent.az xəbər verir ki, "Sevimlilər" funksiyası “Telegram”da ən gözə çarpmayan, lakin vacib funksiyalardan biridir. 2024-cü ildəki ilk böyük yeniləmədə messencer tərtibatçıları onu nəzərəçarpacaq dərəcədə təkmilləşdiriblər.

Bu “self-chat” indi mesajları mənbəyə görə çeşidləyir. Belə ki, “Sevimlilər” başlığına klikləsəniz, onları saxladığınız kanalların siyahısı görünəcək. Söhbətlərin hər hansı birini siyahının əvvəlinə bağlamaq olar.

Bundan əlavə, siz indi “Sevimlilər”inizdəki mesajlara teqlər əlavə edə bilərsiniz. Xüsusi etiketə klikləməklə, xüsusi emoji ilə işarələnmiş mesajlar görünəcək. Siz həmçinin hər bir emoji üçün qısa izahlı mətn buraxa bilərsiniz. Bu, “Telegram” tərəfindən indekslənəcək və baxıldıqda görünəcək.

Yeni funksiyada “Premium” abunəçilərinin “Hekayələr”ə daha yüksək keyfiyyətdə baxmaq və yükləmək imkanı da var. İnternet yavaş olarsa və ya trafikə qənaət etmək lazımdırsa, keyfiyyəti məcburi şəkildə azaltmaq mümkün olacaq.

Yeniliklər siyahısına yanvar ayı ərzində kiçik “Telegram” yeniləmələrində əlavə edilmiş funksiyalar da daxildir. Onların arasında birdəfəlik səsli və video mesajlar, audioyazıya fasilə vermək və sonra davam etmək imkanı var. Siz həmçinin şəxsi hesabınızı kontaktlar və digər “Premium” sahibləri istisna olmaqla, hər kəsə bağlaya bilərsiniz.

Yenilənmiş “Telegram” artıq quraşdırma üçün əlçatandır. Yeniliklərin smartfonunuzda işləməsi üçün “Google Play” və “App Store”da mobil proqramı yeniləməlisiniz.