Süni İntellekt ilkin olaraq kimlərin çörəyinə bais olacaq? – 5 əsas sektor

Son zamanlar süni intellektin hansı peşələrə və necə təsir edəcəyo və onları sıradan çıxaracağı ən çox verilən suallar arasında yer alır.

Lent.az xəbər verir ki, süni intellektin işçi qüvvəsinə təsirinin araşdırılması son illərdə xüsusilə vacib məsələyə çevrilib.

“Goldman Sachs” nəşri tərəfindən dərc edilən hesabata görə, süni intellekt 2030-cu ilə qədər 300 milyon tam ştatlı işi əvəz edə bilər. Bu o deməkdir ki, ABŞ və Avropada biznes tapşırıqlarının dörddə biri süni intellekt tərəfindən yerinə yetirilə bilər və qlobal məhsul və xidmətlərin ümumi illik dəyərini 7% artırar. Bundan əlavə, ABŞ və Avropadakı iş yerlərinin təxminən üçdə ikisi süni intellekt avtomatlaşdırılmasından müəyyən dərəcədə təsirlənə bilər.

Süni intellektin təsir edə biləcəyi 5 əsas sahə isə bunlardır:

1. Mühəndislik

Süni intellekt bəzi mühəndis vəzifələrini aradan qaldırsa da, yeni iş imkanları yaradacaq. Bu texnologiyalar mühəndislərə mürəkkəb problemləri müəyyən etməyə və təhlil etməyə kömək edərək onlara daha dəqiq proqnozlar və dizaynlar etməyə imkan verə bilər.

2. Proqramlaşdırma (Proqram təminatı)

Proqram mühəndisləri və proqramçılar üçün vəziyyət daha da mürəkkəbləşir. ChatGPT-nin 2022-ci ildə ümumi istifadəyə verilməsi süni intellektin proqramçıları işdən çıxaracağı ilə bağlı narahatlıqları artırıb. ChatGPT əsas və ara kodlaşdırma tapşırıqlarını yerinə yetirə bilər ki, bu da bəzi işlərin avtomatlaşdırıla biləcəyini göstərir.

3. Nəşriyyat

Nəşriyyat süni intellektin dərin təsir etdiyi sahələrdən biridir. Yazıçılar, jurnalistlər, tərcüməçilər və redaktorlar sənayedə avtomatlaşdırmanın müsbət və mənfi təsirlərini öz təcrübələri ilə yaşayırlar.

4. Yazı və Tərcümədə Süni İntellektin İstifadəsi

İnternetə əsaslanan nəşriyyatda bir çox müəllif hal-hazırda süni intellektə üstünlük verir, xüsusən də kitabları sürətlə hazırlamaq üçün

5. İnzibati Vəzifələr

Keçən ildə aparılan araşdırmalar göstərir ki, ofis mühitində çalışan mühasiblər və inzibati heyətin süni intellekt qarşısında işlərini itirmək riski çox yüksəkdir.