Mütəxəssislərin sözlərinə görə, müasir soyuducularda istifadə olunan maqnit və elektron sistemlər xarici səthdəki kiçik maqnitlərdən təsirlənməyəcək şəkildə hazırlanır. Buna görə də dekorativ maqnitlərin soyuducunun soyutma performansına, motoruna və ya elektrik axınına texniki baxımdan zərər verməsi mümkün deyil.
Yəni soyuducunun işləməsi ilə onun qapısına yapışdırılan suvenir maqnitlər arasında birbaşa əlaqə yoxdur.
Lent.az xarici mediaya istinadən xəbər verir ki, məsələni tamamilə “heç bir təsiri yoxdur” kimi qiymətləndirmək də düzgün sayılmır. Xüsusilə çox ağır, böyük və ya səthi tam örtən maqnitlər uzun müddət eyni yerdə qaldıqda soyuducunun xarici örtüyündə iz buraxa və ya xırda cızıqlar yarada bilər.
Digər geniş yayılmış yanlış fikir maqnitlərin enerji sərfiyyatını artırması ilə bağlıdır. Elektrik mühəndislərinin sözlərinə görə, bu iddianın heç bir elmi əsası yoxdur.
Soyuducunun sərf etdiyi enerji əsasən daxili temperatur balansı, qapının açılıb-bağlanma tezliyi və cihazın ümumi səmərəliliyi ilə bağlıdır. Xarici səthdəki maqnitlərin buna heç bir təsiri olmur.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
