“Samsung”un yeni qatlana bilən  telefonları necə olacaq? - FOTO
01 mart 2024 16:33 (UTC +04:00)

“Samsung”un yeni qatlana bilən telefonları necə olacaq? - FOTO

“Samsung” şirkətinin yeni qatlana bilən telefonları yaya qədər təqdim etməyəcəyi məlum olub. 

Lent.az xəbər verir ki, yeni məhsulların təqdimatı yayda baş tutacaq. Amma buna baxmayaraq artıq “Galaxy Z Fold 6” və “Galaxy Z Flip 6” mobil cihazlarının ilkin fotoları yayılıb. 

Təsvirlər göstərir ki, “Z Fold 6”da istehsalçı “Galaxy S24” seriyasına bənzər korpusun düz kənarlarına keçib. Cihaz diaqonalı 7,6 və 6,2 düym olan displeyləri alacaq, lakin daha qısa və geniş olacaq: qatlananda onun ölçüləri 153,5 × 132,5 × 6,1 mm, “Fold5”də isə 154,9 × 129,9 × 6,1 mm-dir.

Doldurmanın yenilənməsi gözlənilir. Aparat bazası 12 və ya 16 GB RAM və 1 TB-a qədər daxili yaddaşa malik Snapdragon 8 Gen 3 olacaq. İnsayderlər həmçinin aşkar ediblər ki, kameraların əsas bloku 50, 12 və 10 meqapiksellik üç moduldan, həmçinin 10 və 4 meqapiksellik iki ön kameradan ibarət olacaq.

“Galaxy Z Fold 6” dizayn baxımından olduqca nəzərəçarpacaq dərəcədə yenilənibsə, “Flip 6” təxminən eyni olacaq. Yeganə fərqlilik o açıldıqda qalınlıq 6,9-dan 7,4 mm-ə qədər artacaq. 

Qatlanan smartfonlar artıq bir neçə ildir istehsal olunur, lakin onları hələ də həqiqətən kütləvi istehsal olunan cihazlar adlandırmaq olmaz. Onların populyarlığının inkişafına mane olan əsas çatışmazlıqlardan biri yüksək qiymətdir. Qatlana bilən displeyli ən yaxşı “Samsung” modellərinin qiyməti təxminən 1500 dollardır.


 

# 3426
avatar

Sevinc Fərid

Oxşar yazılar