Bəzi mütəxəssislər köhnə avtomobillərin təcrübəsinə əsaslanaraq mühərriki uzun müddət qızdırmağı məsləhət görsələr də, Momo iddia edir ki, əksər müasir avtomobillər üçün cəmi “30 saniyə, bəzən isə daha az” kifayətdir.
Lent.az bu düzgün vaxt sistemini təqdim edir:
Niyə 30 saniyə kifayətdir?
Mexanik izah edib ki, 30 saniyəlik gözləmə müddəti mühərrik yağının silindr başlıqlarına çatması üçün kifayətdir. Bu başlıqlar mühərrikin yuxarı hissəsidir və yağ oraya çatdıqdan sonra bütün sistem tam şəkildə yağlanır və hərəkətə hazır olur. Yağın mühərrikdə dövran etməsi metall hissələr arasındakı sürtünməni azaldır, bu da istiliyin yaranmasını və mühərrikin vaxtından əvvəl köhnəlməsini qarşısını alır. Bu təxminən 30 saniyədən sonra baş verir, və bundan sonra artıq avtomobili idarə etməyə başlaya bilərsiniz.
Nə qədər qızdırmaq düzgündür?
Mexanik əlavə edib ki, əgər sürücü avtomobilin şüşələrinin əriməsini istəyirsə, mühərriki bir qədər artıq qızdırmaq da olar bu da normal sayılır. Lakin mühərriki uzun müddət boş rejimdə (xolostoyda) işlətmək məsləhət deyil, çünki bu, yanacaq sərfini artırır və səmərəsizdir. Avtomobili çox uzun müddət yerində işlətməyin, əks halda sadəcə yanacağınızı boşa sərf edəcəksiniz.
Mühərrikin hazır olduğunu necə bilmək olar?
Momo-nun sözlərinə görə, mühərrik yağlandıqda və işləməyə tam hazır olduqda bunu oborotların (RPM) enməsindən asanlıqla anlamaq mümkündür. Təxminən 30 saniyə keçdikdən sonra mühərrikin boş gediş (xolostoy) sürəti azalır məsələn, əvvəl 1000 dövr/dəq (rpm) idisə, bir qədər sonra 800-900 aralığına düşür. Bu, artıq mühərrikin qızdığını göstərir. Bu göstərici avtomobilin modelindən və mühərrik həcmi, silindr sayı kimi mexaniki xüsusiyyətlərdən asılı olaraq dəyişə bilər.
Qışda avtomobilin istifadəsi üçün digər məsləhətlər
Qış yaxınlaşdıqda sürücülərə aşağıdakı məsləhətlərə əməl etmək tövsiyə olunur: Şüşəyuyan mayesinin donmaya qarşı dayanıqlı olduğuna əmin olun. Avtomobildə zəruri qış ləvazimatları saxlayın: sürüşməyə qarşı zəncirlər, ehtiyat akkumulyator, isti əlcəklər və fənər. Avtomobili açıq havada saxlayırsınızsa, səhər mühərriki işə salmadan əvvəl qısa vizual yoxlama aparın xüsusilə təkərlərin və batareyanın vəziyyətinə diqqət edin. Bu sadə qaydalara əməl etməklə siz həm mühərrikin ömrünü uzadacaq, həm də yanacağa qənaət etmiş olacaqsınız.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
