iPhone 17 eyni anda iki kamerada video çəkəcək: bu nə deməkdir?

Con Prosser bu yaxınlarda yenilənmiş iOS 19 interfeysinin təfərrüatlarını paylaşıb.

Lent.az-ın xarici mediaya istinadla xəbərinə görə, dizayna əlavə olaraq, Prosser, Samsung tərəfindən on ildən çox əvvəl təqdim edilən iPhone 17 Pro kamerasının vacib bir xüsusiyyətini də ortaya qoyub.

iPhone 17 Pro ikili video funksiyasını əldə edəcək

“Front Page Tech”in aparıcısı Con Prosser iPhone 17 Pro və iPhone 17 Pro Max-ın Samsungun keçmişdə tətbiq etdiyi xüsusiyyəti alacağını açıqlayıb. Söhbət ön və əsas kameralardan eyni vaxtda video çəkmək imkanından gedir. Oxşar xüsusiyyət Galaxy S4 smartfonunda da təqdim edilib.

Prosserin sözlərinə görə, iPhone 17 Pro eyni vaxtda iki kameradan - ön və arxadan video çəkə biləcək. Bu, eyni zamanda həm mövzunu, həm də istifadəçinin reaksiyasını tutmağa imkan verəcək. İnterfeys indiki iPhone modellərində artıq istifadə olunan FaceTime-a bənzəyəcək. Bu funksiyanın proqram yeniləməsi vasitəsilə köhnə cihazlarda mövcud olub-olmayacağı hələ məlum deyil.

Bu funksiya köhnə “iPhone”larda olmasa belə, ondan artıq “App Store”da mövcud olan üçüncü tərəf proqramları vasitəsilə istifadə etmək mümkün olacaq. Məsələn, Snapchat hər iki kameradan eyni anda çəkiliş aparmağa imkan verir. Bununla belə, Apple versiyası standart “Kamera” proqramında quraşdırılacaq.

Bu xüsusiyyət ilk dəfə Galaxy S4-də görünsə də, Samsung daha sonra onu Galaxy S21 və daha yeni modellərdə geri qaytarıb. “Apple”ın rəqiblərindən ilham alaraq bu kimi nostalji xüsusiyyətləri özündə cəmləşdirdiyini görmək çox xoşdur.

İkili video qeyd funksiyası “iPhone”un kamera arsenalına, xüsusən də məzmun yaradıcıları üçün əla əlavədir.