“Google”da bu təhlükəli ifadələri axtarışa verməyin

Bəzən “Google”dan istifadə pul itirməyinizə, şəxsi məlumatlarınızı fırıldaqçılara məruz qoymağınıza və başqa yollarla özünüzü riskə atmağınıza səbəb ola bilər.

Lent.az xəbər verir ki, hakerlər məşhur “Google” axtarışlarından istifadə edərək insanları aldadaraq şəxsi məlumatlarını üzə çıxara və ya onlara pul köçürə bilər.

“TorGuard” kibertəhlükəsizlik şirkətinin təsisçisi Ben Van Pelt Britaniyanın “Indy100” portalına “Google”da hansı sorğuların təhlükəli ola biləcəyini açıqlayıblar. Həmin sorğuları təqdim edirik:

Müştəri dəstəyi

Ben Van Pelt qeyd edib ki, fırıldaqçılar öz vebsaytlarının axtarış nəticələrinin yuxarı hissəsində görünməsi üçün reklam ala bilərlər. Bu saytlarda aldadıcı linklər və telefon nömrələri yerləşdirirlər. O, xəbərdarlıq edib ki, təcavüzkarlar telefonla inandırıcı şəkildə texniki işçiləri təqlid edə bilərlər, ona görə də şirkətlərin əlaqə məlumatlarını həmişə yalnız onların rəsmi internet saytında axtarmağı məsləhət görür.

Sürətli kreditlər

Ben Van Peltə görə, fırıldaqçılar, həmçinin maliyyə çətinlikləri yaşayan insanların etibarından istifadə etmək üçün onlayn asan və sürətli kreditlər reklam edə bilər. Onlar tez-tez avans ödənişləri və şəxsi məlumatlara giriş tələb edirlər, lakin sonda pul heç vaxt hesaba gəlməyə bilər.

"Maliyyə yardımı üçün “Google”a müraciət etmək əvəzinə, nüfuzlu banklara və kreditorlara müraciət etmək daha yaxşıdır", - deyə ekspert məsləhət görür.

Tez qazanc

Ben Van Pelt xəbərdarlıq edir ki, yüksək gəlir vəd edən “investisiya imkanları” təklifləri çox vaxt piramida sxemləri kimi maskalanır. O, etibarlı investisiya brokerlərindən və ya maliyyə məsləhətçilərindən məsləhət almağı tövsiyə edir.

Yüksək qazancla uzaqdan iş

Onun sözlərinə görə, iş tapmaq üçün “Google”da “yüksək maaşlı uzaqdan iş” sorğusunu axtarmaqdansa, tanınmış iş saytlarından və şirkətin rəsmi saytlarından istifadə etmək daha yaxşıdır. Belə bir sorğu nəticəsində yarana biləcək iş yerləri qeyri-qanuni fəaliyyətlər üçün və ya şəxsi və maliyyə məlumatlarının toplanması üçün istifadə edilə bilər.

Pulsuz kredit hesabatı

Ben Van Pelt xəbərdarlıq edir ki, fırıldaqçılar bir insanın bütün şəxsi məlumatlarını, o cümlədən doğum tarixi və Sosial Müdafiə nömrəsini əldə etmək üçün pulsuz kredit hesabatı hazırlamağı təklif edə bilərlər.

Texniki dəstək

Fırıldaqçılar həmçinin kompüterlərə uzaqdan giriş əldə etmək və zərərli proqramlar quraşdırmaq və ya kredit kartı məlumatlarını əldə etmək üçün saxta texniki dəstək xidmətləri yarada bilərlər. Mütəxəssis, cihazın istehsalçısı və ya proqram təminatı təchizatçısının rəsmi texniki dəstəyi ilə əlaqə saxlamağı məsləhət görür.