Həkimlər yuxu problemlərinə səbəb ola biləcək amili açıqlayıblar. Yuxu problemləri təkcə stress səviyyəsi və gündəlik rejimlə deyil, həm də yastıq seçimi ilə bağlı ola bilər.
Lent.az-ın xarici mediaya istinadla xəbərinə görə, yuxu mütəxəssisləri bildirirlər ki, məhz yastıq gecənin sakit və rahat keçməsinə və ya narahatlığa səbəb olub-olmamasını müəyyən edə bilər.
Müasir texnologiyalar yastıq seçimlərini xeyli genişləndirib. Klassik tük və pambıq modellərindən əlavə, yaddaş effekti olan köpük, lateks, poliester və qarabaşaq qabığı ilə doldurulmuş variantlar bazarda mövcuddur. Bu materialların hər biri bədən çəkisi və istiliyinə fərqli reaksiya verir və müxtəlif dəstək səviyyələri təmin edir.
Yastıq seçimi sərtlik dərəcəsinə və yuxu mövqeyinə uyğun olmalıdır. Yan üstə yatanlara boyun və onurğa sütunun düz vəziyyətdə qalmasını təmin edən hündür və sərt yastıq uyğundur.
Arxası üstə yatanlara daha yastı, üzü üstə yatanlara isə boynu çox gərginləşdirməyən ən alçaq model yastıq uyğun gəlir. Düzgün dəstək bel və boyun ağrılarını qarşısını alır və dərin, bərpaedici yuxunu təmin edir.
Xroniki ağrılardan əziyyət çəkən insanlar üçün xüsusi yastıqlar mövcuddur. Məsələn, boyun üçün çökəklik olan modellər başın anatomik düzgün vəziyyətdə qalmasına və əzələlərin yükünü azaltmağa kömək edir. Kalça və bel nahiyəsində narahatlıq yaşayanlara isə bədən mövqeyini düz saxlayan və oynaqlara təzyiqi azaldan diz üçün yastıqlar tövsiyə olunur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
