Qafqaz Universitetinin yerində yeni ali məktəb yaradılır - EKSKLÜZİV - YENİLƏNİB

Ləğv edilən Qafqaz Universitetinin əvəzinə yaradılacaq qurumun adı məlum olub. Lent.az-ın əldə etdiyi məlumata görə, Qafqaz Universiteti tamamilə ləğv olunacaq. Əvəzində isə Bakı Mühəndislər Universiteti yaradılacaq.

Yeni ali təhsil mərkəzində Qafqaz Universitetinin yalnız texniki fakültələri qalacaq. Buradakı fakültələri isə profilinə uyğun olaraq digər ali təhsil ocaqlarına yönləndiriləcək.

10:48

"Qafqaz" Universitetinin ləğv olunması ilə bağlı "Vergilər" qəzetində dərc olunan məlumata universitetin rektoru Havar Məmmədov aydınlıq gətirib.

Lent.az-ın AzVision.az-a istinadən xəbərinə görə, rektor açıqlamasında bildirib ki, təsisçi Azərbaycan Beynəlxalq Təhsil Kompleksi tərəfindən Universitetin fəaliyyəti 9 yanvar tarixindən dayandırılıb.

“Hazırda Universitetdə əvəzetmə komissiyası işləyir. Universitetin adı dəyişdirilməyəcək. Hər halda dövlət universiteti olacaq. Təhsil Nazirliyi tabeliyində olan universitetlərə necə nəzarət edirsə, bu da elə olacaq. Yaxın vaxtlarda dövlət tərəfindən universitetin fəaliyyət sferası ilə bağlı qərar qəbul ediləcək”.

Rektor universitetin yerində qalacağını, tədris prosesinin davam edəcəyini qeyd edib. “Burada müəllimlər işləyir, tələbələr oxuyur. Təhsil proses olduğu kimi davam edir”.

Qeyd edək ki, "Vergilər" qəzetinin xüsusi buraxılışında yerləşdirilən elana əsasən "Qafqaz" Universiteti təsisçinin qərarı ilə könüllü şəkildə ləğv olunur. Kreditorlar iki ay ərzində tələblərini Xırdalan şəhəri, akademik Həsən Əliyev 120 ünvanına bildirə bilərlər.

***

09:15

Qafqaz Universiteti ləğv olunduğunu elan edib. "APA-Economics" xəbər verir ki, elan "Vergilər" qəzetinin xüsusi buraxılışında yerləşdirilib.

Elana əsasən, ali təhsil ocağı təsisçinin qərarı ilə könüllü şəkildə ləğv olunur.

Kreditorlar iki ay ərzində tələblərini Xırdalan şəhəri, akademik Həsən Əliyev 120 ünvanına bildirə bilərlər.