<b>Hava yenidən pisləşir:</b> <span style="color:red;">qar yağacaq
07 fevral 2017 12:22 (UTC +04:00)

Hava yenidən pisləşir: qar yağacaq

Fevralın 8-i gündüzdən 11-dək şimal rayonlarından başlayaraq hava şəraitinin qeyri-sabit keçəcəyi, arabir yağış, sulu qar, qar yağacağı gözlənilir.

 

Ekologiya və Təbii Sərvətlər Nazirliyinin Milli Hidrometeorologiya Departamentindən Lent.az-a verilən məlumata görə, havanın temperaturu ötən günlərlə müqayisədə tədricən 4-8° aşağı enəcək. Qərb küləyi ayrı-ayrı yerlərdə arabir güclənəcək. Əsasən dağlıq və dağətəyi rayonlarda yolların buz bağlama ehtimalı var.

 

Sabah Bakıda və Abşeron yarımadasında gün ərzində bəzi yerlərdə arabir yağış yağacağı gözlənilir. Gecəyə doğru sulu qara keçəcəyi ehtimalı var. Mülayim şimal-qərb küləyi arabir güclənəcək.

 

Havanın temperaturu gecə 1-3°, gündüz 5-8°, Bakıda gecə 1-3°, gündüz 5-7° isti olacağı gözlənilir.

 

Sabah Azərbaycanın rayonlarında isə səhər şimal rayonlarında, gündüz isə əksər rayonlarda arabir yağış, sulu qar, qar yağacağı gözlənilir. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.

 

Havanın temperaturu gecə 0-5°, gündüz 5-9°, dağlarda gecə 2-7°, gündüz 2° şaxtadan 3°-dək isti olacağı gözlənilir.

 

# 162
avatar

Oxşar yazılar