“Bayram günlərində 17 nəfər dəm qazından zəhərlənmə ilə Kliniki Tibbi Mərkəzə gətirilib".
Bunu Lent.az-a açıqlamasında Klinik Tibbi Mərkəzin Toksikologiya şöbəsinin müdiri Azər Maqsudov bildirib.
A. Maqsudov deyib ki, həmin şəxslərdən 8-i hospitalizasiya edilib: “ Onlardan ikisi azyaşlı olub. Hər birinə yardım göstərildikdən sonra evə buraxılıb. Dəm qazı zəhərlənmələri zamanı ölüm halı qeydə alınmayıb”.
Ötən illə müqayisədə bu il bayram günlərində dəm qazından zəhərlənənlərin sayında azalma var. Ötən il bu rəqəm 28 olub.
Şöbə müdiri bayram günlərində Azərbaycanda qeydə alınan alkoqol sərxoşluğunun da sayını açıqlayıb.
Bayram günlərində 12 nəfər alkoqol sərxoşluğu şikayəti ilə Toksikologiya şöbəsinə gətirilib: “Onlara da ilkin tibbi yardım göstərildikdən sonra evə buraxılıblar”.
A.Maqsudov qeyd edib ki, bayram günlərində sirkə turşusu zəhərlənməsi ilə bağlı bir qadın mərkəzə gətirilib: “ Həmin qadın intihar məqsədi ilə sirkə turşusu içmişdi. Hazırda vəziyyəti stabildir, müalicəsi davam edir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
