Bakı metrosunda konsert olacaq

Sabah yeni təqvim ilinin gəlişi və Dünya Azərbaycanlılarının Həmrəyliyi Günü münasibəti ilə Bakı metropolitenində növbəti sosial aksiya keçiriləcək.

"Bakı Metropoliteni"nin mətbuat xidmətinin rəhbəri Nəsimi Paşayevin Lent.az-a verdiyi məlumata görə, sabah saat 13:15-dən başlayaraq Elmlər Akademiyası, İçərişəhər və bənövşəyi xəttin Memar Əcəmi stansiyalarında konsert proqramları təşkil olunacaq. Sosial aksiya 4 gün (30, 31 dekabr, 1 və 2 yanvar) ərzində hər stansiyada 1 saat 30 dəqiqə davam edəcək.