Azərbaycan – Rusiya sərhədində sıxlıq aradan qaldırılacaq – <span style="color:red;">Görüş baş tutdu
11 noyabr 2016 16:13 (UTC +04:00)

Azərbaycan – Rusiya sərhədində sıxlıq aradan qaldırılacaq – Görüş baş tutdu

Azərbaycan-Rusiya  sərhədində  yaranan avtonəqliyyat vasitələrinin sıxlığını aradan qaldırmaq məqsədilə bu gün saat 14:00-da iki ölkənin gömrük və sərhəd xidmətləri nümayəndələri arasında sərhəddə baş tutan görüş yekunlaşıb. 

Gömrük Komitəsindən Lent.az-a verilən məlumata görə, görüşdə Azərbaycan nümayəndə heyəti  Rusiya tərəfdəki  sərhəd-keçid məntəqəsində yaranan problemin avtonəqliyyat vasitələrinin sıxlığına səbəb olduğunu və tez bir zamanda aradan qaldırılmasının vacibliyini vurğulayıb.

Rusiya Federasiyasının gömrük və sərhəd xidmətlərinin nümayəndələri də  sərhəd-keçid məntəqəsindən avtonəqliyyat vasitələrinin keçidinin sürətləndirilməsinin təmin edilməsi üçün bütün zəruri addımların atıldığını, gün ərzində sərhəddən 150-yə qədər nəqliyyat vasitəsinin keçidini  təmin etməyə çalışdıqlarını və sıxlığın tez bir zamanda aradan qaldırılması üçün bütün imkanların səfərbər olunduğunu bildiriblər.

Xatırladaq ki, Azərbaycan-Rusiya sərhədində yaranan problemin aradan qaldırılması üçün Dövlət Gömrük Komitəsinin rəhbərliyi ilə Rusiya Federasiyasının Federal Gömrük Xidmətinin rəhbərliyi arasında telefon danışığı olub və qonşu ölkənin gömrük xidmətinə rəsmi müraciət ünvanlanıb. 

 

# 323
avatar

Oxşar yazılar