DİM buraxılış imtahanlarının nəticələrini açıqladı

Dövlət İmtahan Mərkəzi martın 12-də respublikanın ilk peşə-ixtisas təhsili müəssisələrinin sonuncu sinfində təhsil alan şagirdləri üçün keçirilmiş buraxılış imtahanlarının nəticələrini elan edib.

DİM-in mətbuat xidmətindən Lent.az-a verilən məlumata görə, nəticələr martın 14-da saat 13:00-dan etibarən DİM-in rəsmi internet səhifəsində yerləşdirilib.

İlk peşə-ixtisas təhsili müəssisələrinin buraxılış imtahanlarında Ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 8‑dən, xarici dil və ya kimya fənnindən 7-dan az olmayan şagirdlər müvəffəq qiymət alırlar.

İlk peşə-ixtisas təhsili müəssisələrinin şagirdlərinin fənlər üzrə düzgün cavablarının sayının 5 ballıq qiymət şkalasına (2, 3, 4, 5) uyğunluğu aşağıdakı cədvəldə təqdim olunur:

Təhsilin səviyyəsi	Qiymət	Fənlər üzrə düzgün cavabların sayı
Təhsilin səviyyəsi	Qiymət	Ana dili (Azərbaycan bölməsi)	Ana dili (rus bölməsi)	Riyaziyyat	Xarici dil/Kimya
Tam orta	2	0-7	0-7	0-7	0-6
	3	8-17	8-17	8-16	7-16
	4	18-25	18-25	17-24	17-24
	5	26-30	26-30	25-30	25-30