Azərbaycanda daha bir dərmanın dövlət qeydiyyatı ləğv olunub. Səhiyyə Nazirliyinin Analitik Ekspertiza Mərkəzindən Lent.az-a verilən məlumata görə, Alcon Pharmaceuticals LTD şirkətindən nazirliyə daxil olan müraciətə əsasən, DV №14-00820 qeydiyyat vəsiqəli “Kvinaks” ticari adlı (azapentacene polysulfonate sodium 0.15 mq/ml tərkibli göz damcısı 15 ml flakonda №1) dərman vasitəsinin dövlət qeydiyyatı ləğv edilib.
Ərizəçi şirkətin müraciətində göstərilib ki, dərmanın konsentrasiyası zamanla azalır və bu hal yararlılıq müddəti ərzində dərman vasitəsinin keyfiyyətinə mənfi təsir edir. Şirkət bununla əlaqədar olaraq dərman vasitəsinin qeydiyyatda olduğu dövlətlərdən geri çağırılması və istehsalının dayandırılması barədə qərar qəbul edib.
Yuxarıda qeyd olunanları nəzərə alaraq, dərman vasitəsi Azərbaycan Respublikası Dərman vasitələrinin dövlət reyestrindən çıxarılıb və topdan və pərakəndə satış əczaçılıq müəssisələrindən geri çağırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
