Ötən il 681 mindən artıq şəxs təcili yardıma müraciət edib
06 yanvar 2017 11:20 (UTC +04:00)

Ötən il 681 mindən artıq şəxs təcili yardıma müraciət edib

Keçən il ərzində Bakı şəhər Təcili və Təxirəsalınmaz Tibbi Yardım Stansiyasına 681 mindən artıq ümumi müraciət daxil olub.

Lent.az-ın məlumatına görə, bu barədə Bakı şəhər Təcili və Təxirəsalınmaz Tibbi Yardım Stansiyasında hesabat xarakterli keçirilmiş tədbirdə deyilib.

 

Tədbirdə qeyd edilib ki, onlardan 63 mindən çox halda xəstə və zərərçəkənlər xəstəxanalara yerləşdiriliblər. Uşaqlar üçün edilən çağırışların sayı 83 mindən çox olub ki, onlardan da xəstəxanalara yerləşdirilənlərin sayı 13 mindən artıq olub.

 

Bundan başqa, bu müddət ərzində reanimasion tədbirlərin görülməsi nəticəsində çox ağır vəziyyətdən çıxarılaraq həyatı xilas edilən xəstələrin sayı 2000 nəfərdən çox olub. Miokard infarktı ilə müraciətlərin sayı 1000, hospitalizasiya 940-a yaxın; insultla müraciətlərin sayı 3300, hospitalizasiya 2950; doğuşla bağlı müraciətlərin sayı 3310, hospitalizasiya 3290; avtoqəza zamanı xəsarət alanların sayı 2420, hospitalizasiya 2125-dən artıq olub.

 

Təcili tibbi yardıma ehtiyacı olan 180 nəfər yaşayış yeri məlum olmayan şəxs, ilkin tibbi yardım göstərildikdən, müxtəlif ixtisaslı bir neçə həkimin ətraflı tibbi müayinəsindən keçdikdən, təmiz geyimlə təmin edildikdən sonra müvafiq xəstəxanalara yerləşdirilib.

 

1 2 3 4 5 İDMAN XƏBƏRLƏRİ
# 113
avatar

Fərizə Əhmədova

Oxşar yazılar