Şəhidin dostu dəfn zamanı hansı həqiqəti bilib şok oldu?
16 sentyabr 2022 16:53 (UTC +04:00)

Şəhidin dostu dəfn zamanı hansı həqiqəti bilib şok oldu?

O, anasız böyümüşdü. Anası onu böyüdən bibisi olmuşdu, bir də qoxusunu ciyərlərinə çəkməkdən doymadığı Vətən torpağı. Beyləqanın İkinci Aşıqlı kəndinin geniş düzənləri kimi böyük idi ürəyi, azad idi ruhu.

Əslində Bakıda doğulmuşu, 3 qardaşın ən böyüyü idi Mir Talib. Lap balaca yaşlarda anasını itirincə bibisi onu qoynuna çəkmişdi, məktəbə də Beyləqanda getmişdi. Ana sevgisini vətəndə tapmışdı bu igid oğul.

Hərbi xidmətdən sonra qalıb xidməti davam etdirmək istəmişdi. Boylu-buxunluydu, igid idi, cəsur idi, çevik idi, hər çətin durumdan çıxmaq üçün asanlıqla həll yolları tapırdı, elə buna görə də Sərhəd Qoşunlarının Çevik Alayından fiziki hazırlığı yüksək olan bu gizirimiz komando kurslarına cəlb edilmişdi. Komando olmaq asan deyil. 3 mərhələli imtahandan keçməlisən, hər dəfə ayrı-ayrı qabiliyyətlər üzrə sınağa çəkilirsən. Onu isə yüksək hazırlığına görə, imtahan etmədən təlimlərə qatmışdılar.

Söhbət dünən torpağa tapşırılan şəhidimiz Mir Talib Elmdar oğlu Ağazadədən gedir. 29 yaşında Vətən qarşısında son borcunu verərək dünya ilə vidalaşdı, digər şəhid qardaşlarına qovuşdu. 

Çoxlu sayda əməliyyatlarda iştirak etmişdi, dostlar qazanmışdı. Silahdaşları onun olduğu əməliyyatlardan danışanda deyirlər ki, Mir Talib bir qoşuna bərabər oğul idi.

Maraqlı bir hekayəsi olub. Orduda xidmət edən yüksək rütbəli həkimlərdən biri ilə yaxın dost olub. Həkimin uşaqlı illəri Rusiyada keçib, orda təhsil alıb. Amma müharibə günlərində vətənə qayıdıb, dəstək olmaq üçün. Tez- tez görüşüb, danışıb gülüblər. Mir Talib şəhid olanda onun bədənindən gülləni də ağlaya-ağlaya həkim dostu çıxarıb. Amma onu ölümün əlindən ala bilməyib, deyirmiş açıq döyüşdə kimsə Mir Talibin dəmir biləyini bükəmməzdi, namərd gülləyə tuş gəlməsəydi.

Şəhidi dəfn etmək üçün özü də gəlib Beyləqana. Dostunun dəfn olunduğu  İkinci Aşıqlı kəndi dostunun da baba yurduymuş. Heyrətlər içində gəlib və nə görsə yaxşıdır? Qardaşdan da əziz bildiyi dostu əslində doğmaca əmisi oğluymuş. Onları bir-birinə bu qədər yaxın edən qan bağı olub bəlkə də.

Mir Talib 1 il öncə ailə qurmuşdu. Ata olmaq arzusu vardı, amma bunu görmədi. Bəlkə də ruhu gülümsünür göylərdən... Öz balası olmasa da, qardaşlarının balaları azad etdiyi torpaqlarda at çapacaq, əmilərini rəhmətlə anacaqlar. 

 

# 3873
avatar

İlhamə HƏKİMOĞLU

Oxşar yazılar

Nazirlik Xocalıda:  araşdırmalar BAŞLAYIR - VİDEO  - YENİLƏNİB

Nazirlik Xocalıda: araşdırmalar BAŞLAYIR - VİDEO - YENİLƏNİB

3 dekabr 2022 , 19:18
“Azəriqaz” abonentləri təhlükəsizlik qaydalarına riayət etməyə çağırır - VİDEO

“Azəriqaz” abonentləri təhlükəsizlik qaydalarına riayət etməyə çağırır - VİDEO

3 dekabr 2022 , 16:25
Beyləqanda 4 nəfəri öldürəni neçə il CƏZA GÖZLƏYİR?

Beyləqanda 4 nəfəri öldürəni neçə il CƏZA GÖZLƏYİR?

3 dekabr 2022 , 15:16
® "Azercell" və ADA Universiteti tərəfdaşlıq münasibətlərinin 10 illiyini qeyd edir

®"Azercell" və ADA Universiteti tərəfdaşlıq münasibətlərinin 10 illiyini qeyd edir

3 dekabr 2022 , 12:44
Sabahın havası: -10 dərəcə şaxta  olacaq

Sabahın havası: -10 dərəcə şaxta olacaq

3 dekabr 2022 , 12:37
MEDİA jurnalist Səbuhi Məmmədliyə baş çəkib - FOTO

MEDİA jurnalist Səbuhi Məmmədliyə baş çəkib - FOTO

3 dekabr 2022 , 11:50
"Azəriqaz"ın "Açıq mikrofon" aksiyaları davam edir

"Azəriqaz"ın "Açıq mikrofon" aksiyaları davam edir

3 dekabr 2022 , 11:21
Xalq rəssamının heyrətamiz əmanəti “Xalq Bank”da - VİDEO ®

Xalq rəssamının heyrətamiz əmanəti “Xalq Bank”da - VİDEO®

3 dekabr 2022 , 10:47