“Qadın Basqal qəsəbəsində qeydiyyatdadı. Onu bir ailə uşaq evindən götürərək saxlayıb, ailə qurub. Birinci ailəsindən 4 övladı var. Sonra ayrılıb. Keçmiş həyat yoldaşı uşaqları ondan alıb. Hazırda videoda yanında olan uşaq qeyr-rəsmi nigahdan dünyaya gəlib”.
Bu fikirləri Lent.az-a İsmayıllı rayon İnzibati ərazi dairəsi üzrə nümayəndə vəzifələrini müvəqqəti icra edən Xələfov Bəhruz deyib. O, İsmayıllıda yaşayan Məhərrəmova Yeganə Əliəşrəf qızının şikayətinə aydınlıq gətirib.
Bəhruz Xələfov xanımın hazırda bir nəfərin şəxsi mülkiyyətində olan, istismar müddətini başa vurmuş, qəzalı vəziyyətdəki binada məşkunlaşdığını bildirir:
“Qadın İsmayıllıda avtovağzal deyilən yerdə yaşayır. Hazırda bizim sığınacağımız yoxdur. Yeganə Məhərrəmovaya dəfələrlə xəbərdarlıq etmişəm ki, burada yaşamaq həm özü, həm də uşaq üçün çox təhlükəlidi. Onun əvvəl qaldığı avtovağzal binasının sahibi ilə danışdım, xahiş elədim ki, 1-2 aylığına, sakinlər yeni binaya köçənə kimi, orada məskunlaşsın. O da etiraz etmədi. Xanım təklifimizlə razılaşmadı. Özünə deyəndə “yaxşı” deyir, amma sonra fikrini dəyişir.
Övladlığa götürən ailə də yaşadığı evi onun adına keçirə bilərdi. Amma onun öz səhvinə görə evi digər qohumların adını keçirdilər”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
