“İndiki zamanda jurnalist olmaq üçün ali təhsil də lazım deyil. Telefonla hansısa bir hadisəni çəkib, onu internetdə yaymaqla jurnalist adına layiq ola bilərsən”.
Bu fikirləri Lent.az-ın “Məndən soruş” layihəsində iştirak edən Mətbuat Şurasının sədri Əflatun Amaşov səsləndirib.
O bildirib ki, Azərbaycanda jurnalistlərin sayının çox olması sosial məsələlərlə bağlıdır: “1990-cı illərdə iş yerlərinin az olması, insanların həyat şəraitlərini qorumaq üçün səylər göstərməsi, onların başqa sahələrdə iş tapa bilməməsi çoxsaylı insanları jurnalistikaya yönəltdi. O zamanlar apardığımız araşdırma zamanı məlum olmuşdu ki, (əminəm ki, tərkib indidə ciddi olaraq dəyişməyib) jurnalistikada çalışan insanların demək olar 75-80 faizə qədərinin təhsili qeyri-jurnalist təhsillidir. Hətta elələri var idi ki, orta məktəbi belə bitirməmişdilər. Yavaş-yavaş püxtələşmə getdi, həmin insanların sayı azaldı, başqa sahələrdə özləri üçün güzəran qura bildilər, iş tapdılar, jurnalistikadan uzaqlaşdılar. Jurnalistika kifayət qədər maraqlı peşə olduğuna görə bu sahəyə bundan sonra da maraq göstərənlər çox olacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
